Loading...
بث مباشر
هل تعتقد أن الجنيه المصري سيواجه و يتغلب علي باقي العملات الأجنبية الأخري في يوم من الأيام ؟
نعم | و لكن هذا سيتطلب وقت كبير و يجب علينا إستثمار الوقت و الجهد معا
لا | و يجب إستثمار الوقت و الجهد في زيادة المرتبات
لا اهتم

الرئيسية

/ صحة وطب

/ تحذير من احتمالية انتشار مرض نقص المناعة "الايدز" فى محافظة الاسكندرية

تحذير من احتمالية انتشار مرض نقص المناعة "الايدز" فى محافظة الاسكندرية

ارشيفية
ارشيفية

الثلاثاء 02 مايو 2017-41:38:11 م

حذر الدكتور حاتم البنا، الطبيب بأحد مستشفيات وزارة الصحة بالإسكندرية، من احتمالية انتشار مرض نقص المناعة المكتسب "الإيدز" داخل المحافظة، عن طريق فتاة كشفت عنده وعرف قصتها بالمصادفة.وقال "البنا"، في تدوينة حصلت على أكثر من 14 ألف إعجاب و10 آلاف مشاركة، "جاتلى من كام يوم واحدة ست شيك فى أواخر الأربعينيات ومعاها بنت حاجة وعشرين سنة، من ملابس البنت وشكلها واضح إنها عايشة فى الشارع.. المهم الست دى كانت ماشية وشافتها صعبت عليها جابتها تكشف عليها".

وتابع: "المهم كشفت عليها كشف ظاهرى كده البنت واعية كويس وبتفهم كويس مش متخلفة عقليا يعنى، وهى متعرفش أهلها، هى طلعت لقت نفسها فى الشارع، طبعا جسمها كله سحجات خفيفة كده، وشكيت من الكشف إنها حامل لأن بطنها كانت كبيرة شوية، سألتها إنتى متجوزة؟ قالت لأ.. استدعيت دكتور النسا عملها سونار وفعلا طلعت حامل فى أربع شهور ومكانتش تعرف، وقالت إنها كانت حامل قبل كده وسقطت فى الشارع كده من غير أى رعاية طبية".

واستطرد: "فسألتها مين والد الجنين؟"، قالت معرفش، فى كذا حد بيعتدى عليها جنسيا وهى كانت بتقاوم زمان بس لقت إنها بتتضرب وتتعور وفى الآخر بياخدوا اللى هما عاوزينه (على حد تعبيرها) فمبقتش تقاوم وعلى حد وصفها إنهم بالمئات لأن كل واحد كان بينجح إنه يعمل معاها حاجة كان المرة اللى بعدها بيجيب أصحابه معاه، وأصحابه يجيبوا أصحابهم".

وأردف: "البنت حالتها الصحية زى الزفت حرفيا، عندها نزلة شعبية، وطبعا أمراض جلدية، درجة حرارتها عالية، وغيره وغيره من البلاوى.. طبعا عملتلها حبة تحاليل شاملة كده صورة دم ووظايف كبد وكلى وتحاليل فيروسات كبد وغيره من التحاليل اللى بتعملها لحد جاى من الشارع.. خلصت وكتبت للست روشتة مبدئية أعالج فيها الحاجات الظاهرة لغاية ما نتيجة التحاليل تظهر وتيجى نكمل العلاج.. الست مشكورة تكفلت بكل الأمور المادية وتعهدت برعايتها إلى أن تجد مكان يتولى أمرها.. كل القصة المأساوية دى مش هى السبب إنى بكتب البوست ده... لأن وللأسف أنا مش أول ولا تانى ولا عاشر مرة أشوف حاجة زى كده ومعتقدش إنها آخر مرة".

وأضاف: "أنا بكتب البوست ده لان التحاليل طلعت .. البنت طلعت HIV+ve،البنت طلع عندها ايدز !! أنا بكتب البوست ده عشان لو أى حد مسؤول شافه لازم كل الشباب اللى فى المنطقة اللى البنت دى كانت موجودة فيها يتعملهم screening testsأو تحاليل ايدز ، خصوصا سواقين التكاتك من الشباب ، لأنها قالت ان معظمهم كانوا سواقين تكاتك وأصحابهم.. ياريت ياجماعة شير لغاية ما نوصل لحد.. المعلومات الخاصة باسم البنت ومكان تواجدها والمنطقة اللى المفروض يدوروا فيها على الشباب دول أنا شيلتها للحفاظ على خصوصية المريض وهى متوفرة لاى مسؤول يحب يتصرف وياخد خطوة فى الاتجاه الصحيح.. ولا حول ولا قوة الا بالله.