تعرف على سر رفض المحافظ تغيير أسماء بعض القرى والنجوع المخالفة للآداب

25-11-2019 كتب : احمد ابو

كشف الدكتور كمال شاروبيم محافظ الدقهلية سر رفضه تغيير أسماء بعض القرى والنجوع داخل المحافظة بناءً على طلب النيابة الإدارية لمخالفتها للآداب العامة.

وقال شاروبيم: "مش شايف أي دلالات منافية للأداب في بلقاس، يعني كلمة (واعر) كلنا عارفين إنها في اللغة العامية تعني قوي، كلمة (قوم اليهودي) عادية ما احنا عندنا في القاهرة حارة اليهود، فيه كمان قرية العبيد، قرية أبو عرصه، والله أنا عمري ما حسيت إنها منافية للأداب، كل واحد بس بياخد الكلمة على اللي هو بيفكر فيه وعلى اللي جواه".

وأضاف خلال مداخلة مع الإعلامي عمرو عبدالحميد على قناة TEN الفضائية: "مفيش حاجة ببلاش، تكلفة تغيير أسم قرية أو نجع على الحكومة كبير جدا، فيه شهادات ميلاد هتتغير، أرقام قومية وبطاقات شخصية هتتغير، أسماء وحدات صحية هتتغير، إحنا خاطبنا مديرية الأمن وقالوا مفيش مانع من التغيير".

 وتابع: "لما نحب نغير اسم مدرسة وحد يتقدم بطلب بكده نقوله هات موافقة أهالي القرية، فلما نكون عاوزين نغير اسم القرية لازم أهل القرية يوافقوا ويستقروا على اسم معين".





إقرأ أيضا

تعليقات الخبر

لا توجد تعليقات لهذا الخبر

أضف تعليقك

لن يتم نشر عنوان بريدك الإلكتروني